66-Anyos na Lolo, Natanggap Bilang Call Center Agent, Nagbigay Inspirasyon sa Marami Dahil sa Pagiging Matiyaga!

Local News

Isang lolo ang nagpatunay na hindi basehan ang edad para sa pag-abot ng pangarap. Sa edad na 66, ay imbis na nagpapainga na lamang ay nagawa pa niyang magtrabaho ng nasa loob lamang ng bahay. Sa panahon natin ngayon ay usong-uso ang ‘work from home’ kung saan, hindi na kinakailangang lumabas ng bahay para maghanap buhay.

Naging inspirasyon para sa marami ang lolo na ito. Pinatunayan niya na sa kabila ng kanyang edad ay walang limitasyon ang maaari niyang gawin. Napahanga rin ang madami dahil sa tiyaga at sipag nito para makapaghanap ng trabaho.

Marami sa ating mga kababayan ang hindi natatanggap sa trabaho dahil sa kanilang edad kaya naman mapalad si lolo dahil natapat siya sa kompanyang walang diskriminÄsyon pag dating sa edad.

Marahil dahil sa dedikasyon at abilidad ni lolo kaya siya natanggap bilang ‘call center agent’. Ang larawang ito ay ibinahagi ni Maria Thereza Magnolia Causing kung saan sinabi niya na napahanga si kay lolo.

Bumili si lolo ng kanyang computer table para sa gagamitin niya sa kanyang ‘work from home’. Bago matanggap si lolo ay nagdaan pa umano siya sa maraming interviews kaya nakakatuwa at nakakabilib na napatunayan niya ang katagang “age doesn’t matter” at “age is just a number”.

Marami naman ang bumati kay lolo nang matanggap ito sa trabaho bilang isang call center agent. Sana ay marami ang katulad ni lolo na hindi nawawalan ng pag-asa, at sana ay may mga kompanya din dito sa Pilipinas na hindi tumitingin sa estado, o edad ng isang tao.